ILOILO CITY- Ginkalipay sang lokal nga mga manufacturers sang semento ang pagstrikto sang Department of Trade and Industry sa non-compliant nga mga cement importers.
Ini kasunod sang pag-suspend sang DTI-Bureau of Philippine Standards sang import permit kag nag- issue sang show cause order sa Newgate Import Export Corp. may kaangtanan sa ila importasyon sang blended hydraulic cement.
Ini nga suspensyon ang kasunod sang pagpatigayon sang DTI sang market surveillance sa Iloilo bilang kabahin sang ginpabaskog nga monitoring sa mga cement imports nga nagasulod sa Pilipinas.
Suno sa Cement Manufacturers Association of the Philippines (CeMAP), may yara sang lapnagon kag indi patas nga presyo sa dako nga volume sang imported cement sa pungsod nga nagapatay naman sa negosyo sang local manufacturers.
Pahayag sang asosasyon, ini nga tikang sang DTI-Bureau of Philippine Standards ang nagapakita nga ang non-compliant kag indi patas nga trade practices ang wala ginatugutan.
Dugang pa sini nga ang influx sang “substandard” nga mga cement products halin sa luwas sang pungsod ang nagaguba sa pagsanyog sang industriya.
