Nadugangan pa ang mga major manufacturers nga nagpasalig sa Department of Trade and Industry (DTI) nga magapatuman man sang voluntary price freeze bilang suporta sa Filipino consumers sa tunga sang pagsinaka sa presyo sang mga balaklon.
Ang ulihi nga naghatag sang commitment ang nag-cover sang stock keeping units sa anum ka product categories nga amo ang processed milk, processed canned meat or beef, bottled water, instant noodles, condiments, kag coffee.
Matandaan nga sang Mayo, may ginlunsar man nga voluntary price freeze kasunod sang meeting sang ahensya sa manunfacturers sang basic necessities and prime commodities.
Ang numero subong sang participating manufacturers ang nagsaka na sa walo kag 31 na ka stock keeping units ang covered sang price freeze.
Ini nga expansion ang makabulig sa mga consumers nga makabakal sang basic necessities sa kasarangan pa nga presyo ilabi na sa areas nga indi man covered sang automatic price freeze measures bangud sa El Niño.
Antes sini nga inisyatibo, ginpatuman na nga daan ang automatic price freeze mechanisms sa mga probinsya kag syudad (lakip na sa Western Visayas) nga tuman nga apektado sang El Niño. Ang automatic price control amo ang naga-freeze sang presyo sang basic necessities sa sulod sang 60 ka adlaw sa areas nga nadeklarar nga may state of calamity or emergency sandig sa nakasaad sa Republic Act No. 7581 ukon Price Act.
