𝗜𝗟𝗢𝗜𝗟𝗢 𝗖𝗜𝗧𝗬 — Gina-abi-abi sang Iloilo City Committee on Transportation ang resolution ni Iloilo City Councilor Romel Duron nga i-review ang Public Utility Vehicle Modernization Program sang gobyerno.
Sa interview sang Bombo Radyo kay Iloilo City Councilor Sedfrey Cabaluna, chairman sang nasambit nga komitiba, iya ginpahayag nga iya man ginakalipay ang pag-refer sang amo nga resolusyon sa ila nga komitiba agud matumod man gilayon ang nagakatabo on the ground.
Suno kay Cabaluna, ang review sang amo nga tikang ang isa man ka general call sang national sa diin, nagapati ini nga madamo sang gaps nga nagakadapat i-address.
Ginpahayag man sini nga hulaton na lang sang komitiba ang mangin desisyon sang national kun maderetso sa modernisasyon ukon indi bangud ang syudad ang committed na sa amo nga programa.
Ini kasunod man sang pagpasar sang mga ruta para sa mga kooperatiba.
Nahibaluan nga ang Enhanced Local Public Transport Route Plan (LPTRP) ang nag-invest para sa mga modernized units sa Iloilo City kaangay na lamang sang pag-consolidate.
