Makabaton sang P1-million nga padya ang mapilian nga Binibining Pilipinas queens subong nga tuig — pinakadaku nga prize money nga ihatag sa sulod sang 60-anyos nga maragtas sang amo nga prestihiyoso nga national pageant.
Kaangay sa kumpetisyon sa nagligad nga tuig, duha ka winners ang iproklamar kag magabaton sang titulo nga Bb. Pilipinas International kag Bb. Pilipinas Globe.
Magluwas nga pareho nga makabaton sang P1-million prize, pareho man sila nga magasuksok sang bag-o nga korona nga gin-design sang renowned jewelry kag accessories maker nga si Manny Halasan.
Gin-anunsyo man sang organisasyon nga magadonar ang Bb. Pilipinas Charities Inc. (BPCI) sang P1-million sa napilian sini nga charity institution subong nga tuig nga amo ang World Vision Philippines.
Patigayunon ang Grand Coronation Night sa Smart Araneta Coliseum sa Hulyo 7 kun sa diin ang magaserbe nga hosts amo sanday Miss Universe 2018 Catriona Gray, Miss International 2016 Kylie Verzosa, Miss Grand International 2016 first runner-up Nicole Cordoves, kag Miss Universe Philippines 2014 MJ Lastimosa.
40 ka mga kandidata ang maga-compete sa sini nga edition sang pageant.
Nahibaluan nga lakip sa na-produce sang Binibining Pilipinas amo ang apat ka Miss Universe winners sang Pilipinas nga sanday Gloria Diaz, Margie Moran, Pia Wurtzbach, kag Gray.
May yara man sang lima ka Miss International winners—Aurora Pijuan, Melanie, Marquez, Precious Lara Quigaman, Bea Rose Santiago, kag si Verzosa.
Gikan man sa Bb. Pilipinas sanday Miss Intercontinental winners Karen Gallman kag Cinderella Faye Obeñita amo man sanday Maricar Balagtas, Ann Colis kag Maureen Montagne nga pareho ginkoronahan sa Miss Globe pageant system.
