Pasangkaron pa sang Department of Trade and Industry (DTI) ang suporta sini sa micro, small, and medium enterprises (MSMEs) sa Pilipinas kag buligan nga mapalab-ot ang ila market reach sa mga kaumhan paagi sa partnership sa TikTok.
Suno kay DTI Secretary Fred Pascual, ginadiskusyunan na sang ahensya ang proactive measures kag may mga konsultasyon na sa nasambit nga social media platforms bilang official partner sang gobyerno sa e-commerce.
Sa statement sang tiglikom, nakasaad nga daku ang impluwensya sang TikTok sa lokal nga mga negosyo sa pungsod.
“TikTok’s influence in empowering local micro, small, and medium enterprises (MSMEs) is undeniable, and their accelerated adoption of e-commerce is crucial for revolutionizing production sectors, generating high-quality employment opportunities, and elevating the competitiveness of Philippine products on the global stage,” kabahin sang pahayag ni Pascual.
Magluwas sa e-commerce, plano sang DTI nga mag-implementar sang Safety Enforcement Tool (TSET) sa Tiktok. Ini naman amo ang maga-hatag sang proteksyon sa consumers paagi sa portal nga ginhimo para sa verified government agencies kag law enforcement representatives nga maka-access kag monitor sa progress sang pagkakas sang delikado nga content halin sa platform.
Nahibaluan nga ang TikTok ang isa man sa major sponsor para sa patigayunon nga Cashless Expo, isa ka daku nga exhibition para sa local businesses nga may kolaborasyon sa Bangko Sentral ng Pilipinas (BSP) kag Department of Agriculture (DA) agud mag-promote sang digital payments sa agriculture, trade, kag sa private sector.
