๐๐๐ข๐๐๐ข โGinpasigurado sang Iloilo Provincial Agriculture Office nga madayon ang cloud seeding sa Western Visayas apisar sang nangin epekto sang paglupok sang Bulkan Kanlaon sa Negros Island.
Sa interview sang Bombo Radyo kay Dr. Ildefonso Toledo, Provincial Agriculturist sang nasambit nga talatapan, iya ginpahayag nga yara na ang Bureau of Soils and Water Management (BSWM) team sa BacolodโSilay Airport agud magpreparar sa cloud seeding.
Suno kay Toledo, posible sugudan ang amo nga tikang sa Lunes nga adlaw, Hunyo 10, 2024.
Ginpahayag man sini nga mangin dako nga bulig kun may makita nga madamo nga panganod ang feasible nga gamiton para sa cloud seeding.
Ginpaathag man sini nga sang nagligad nga duha ka semana pa sang na-inform sang talatapan ang mga municipal agriculturist sa rehiyon nga may patigayon sang cloud seeding.
Nahibaluan nga na-delay ang amo nga cloud seeding bangud man sa paglupok sang Bulkan Kanlaon sa Negros sang Hunyo 3, 2024.
