ILOILO CITY- Naaresto ang isa ka wanted nga lalaki nga may kaso nga rape paagi sa graduation photo sang iya bata nga naka-post sa facebook.
Suno sa otoridad, 10 ka tuig na nila nga ginapangita ang suspek bangud sa kaso nga rape sa iya nga hinablos.
Natultulan sang mga pulis sa Aklan ang suspek apang ang iya kaso ang narekord sa Quezon kag nalakip man ini sa “most wanted person” sang Region 4-A.
Ginpahayag nga ginhimuslan sang suspek ang iya hinablos nga menor de edad sang 2014 sa Pagbilao, Quezon.
Halin sa Aklan, gindala na sa Quezon ang suspek.
