Ginabanta 30 ka Chinese maritime militia vessels ang nasiplatan sa Rozul ukon Iroquois Reef nga sakop pa sang exclusive economic zone sang Pilipinas.
Na-detect ini nga mga barko paagi sa satellite imaging kag ginsapubliko sang security analyst, anay US Air Force official, kag anay defense attaché nga si Ray Powell nga naga-monitor sang sitwasyon sa West Philippine Sea.
Sunod man nga ginkumpirma sang Philippine Coast Guard (PCG) nga may presensya matuod sang mga barko sang China sa amo nga teritoryo sa nabagatnan sang Reed Bank kun sa diin ginaalegar ginpangtampok man anay ang patay nga mga korales.
Suno sa PCG, nagpaguwa ang BRP Datu Pagbuaya sang radio challenges sa nasambit nga militia vessels apang wala ini nagsabat.
Nagapadayon subong ang monitoring sang Philippine Navy kag Coast Guard sa sini nga mga barko. Sa inisyal nga report, apisar yara sa area ang militia vessels, wala man ini nagapangisda.
