Mahimo nga isa ka man sa naluoy sa naabtan sang isa ka bride sa Amlan, Negros Oriental nga wala gid nahatagan sang “moment” sa iya kaugalingon nga kasal bangud sa ginpahayag pagsinuplado sang pari nga nag-officiate sa amo nga seremonya.
Madamo gid ang nadismaya sang nalantaw ang video nga samtang nagamartsa pa lang ang bride padulong sa altar, nagsugod na sa misa ang pari rason nga nagadali-dali man ang bride sa paglakat bisan mabudlay para sa iya bangud sa trahe.
Ang ginkasal amo sanday Janine Sagario kag Jove Sagario.
Una na nagpaathag ang bride nga naka-schedule ang ila kasal sang Hunyo 8, las-otso sa aga, apang sang Hunyo 7 sang gab-i, ginpahibalo sila sang isa sa ila sponsors nga gin-reschedule sang simbahan ang ila kasal kag sa baylo nga 8:00 am, ginhimo ini nga 9:30 am.
Sang nag-abot sila sang 9:00 pagka-aga, ginpahayag nga nangakig ang mga staff sang simbahan kag ginhambal nga late sila sa schedule nga 8:00.
Sang tion nga ginakuhaan sila sang laragway, pareho nga nagahibi ang bride kag groom sa ila inagyan.
Madamo pa gid ang nadismaya bangud nga sang nagtapos ang kasal, gilayon nga ginmandu sang pari nga pasudlon ang lungon bangud misa sa patay ang yara sa schedule.
Nalantaw man sang wedding suppliers sa Negros Oriental ang natabo kag bangud naluoy sa bride kag groom, nag-initiate ang wedding violinist nga si John Lester Barot nga magpatigayon sang wedding remake.
Natalana ang part 2 sang kasal sa Hunyo 17.
Sa subong, may yara na sang sponsors para sa host, coffee, bridal car, ice cream, photography, bridal gown, kag iban pa. Nagapangita pa sila sang dugang nga sponsors para sa pagkaon kag iban pa para sa magkahagugma.
Nag-isyu naman sang statement ang pari nga assigned sa St. Andrew the Apostle Parish kag nagpangayo sang pasensya sa natabo sa kasal.
“We humbly admit the fact that along the way, there were statements made carried away by emotions. Hence, we express our sincere apology to the bride and the groom, to their respective families who were directly offended by the turn of these events, and to the people who have seen our humanity as Priests in a time when we were weakest of any possible control,” suno kay Monsignor Albert Erasmo Bohol.
“We also ask for your kind indulgence for the times we were short in meeting that call. In the midst of this unfortunate event, please pray for us as we struggle with our frailties. We pray for the peace of everyone concerned in this event,” dugang sini.
Base sa imbestigasyon, ang wedding sponsor nga nag-pahibalo sa bride kag groom nga ginlain ang schedule amo gali ang nagsala sa pagpasa sang impormasyon.
Suno sa simbahan, wala sang nag-instruct halin sa parokya nga lainon ang schedule bangud may nakatalana kuntani nga Funeral Mass sa 9:30 a.m. sang amo nga adlaw.
“She relayed this information in an unofficial capacity. This is unfortunate since there was no instruction at all from anyone in the Parish Office that there are changes in the schedule since there was a scheduled Funeral Mass at 9:30 a.m. of that same morning,” dugang ni Bohol.
Ginsiling man nga may adjustments nga ginhimo sang nakit-an nga yara na ang bride sa puertahan kag ginpaathag naman sa pamilya sang napatay nga may delay sa misa bangud unahon anay ang kasal.
