ILOILO CITY- Pinakataas nga Automated Teller Machine sa kalibutan sa diin bala makit-an?
Atensyon sa mga mahilig magsaka sa bukid ukon mountaineers, sa madugay na ninyo nga pagsaka, may bes bala nga nakakita kamo sang automated teller machine sa kabukiran?
Siguro wala gid kay kun huna-hunaon, imposible man nga may magbutang sang automated teller machine sa putok-putukan sang bukid.
Pero dali lang, kay didto sa kabukiran nga napatung-an sang China kag Pakistan, may yara sang isa ka Automated Teller Machine nga nakabutang sa kataason nga 4,693 meters nga ginakabig highest-altitude nga machine sang cash.
Didto ini sa Khunjerab Pass sa Gilgit-Baltistan province sa northern Pakistan.
Gin- install ini sang National Bank of Pakistan (NBP) sang 2016, ini ang solar- kag wind-powered cash machine.
Naglawig sang apat ka bulan ang pag-install sini.
Tuman man ka budlay ang pag-provide sang maintenance kag pag- refill sang cash sa machine sa regular basis bangud ang pinakamalapit nga bangko ang may kalayuon nga 82 kilometros.
Kalabanan nga kliyente diri amo ang border guards nga nagakuha sang ila monthly salaries gikan diri, amo man ang pila ka pumuluyo sa lugar kag ang mga tawo nga nagatabok sa border.
Ginabanta man nga 4 to 5 million rupees ukon $18,350 – $23,000 ukon P1M tubtob P1.5M ang gina-withdraw sa amo nga machine kada duha ka semana.
