ILOILO CITY- Dako ang pagpati kag pagsalig ni Association of Boxing Alliances in the Philippines (ABAP) secretary-general Marcus Manalo nga makuha na gid man sang Pilipinas ang pinakauna nga gold sa boxing paagi sa mga boxers sa subong nga edisyon sang Olympiada.
Isa sa mayor nga factor sang pagsalig ni Manaloamo ang mabudlay nga inagihan sang Filipino boxers agud mag- qualify para sa hampang Games kag nagapati siya nga ini nga mga pagtilaw ang nagpreparar sa ila agud mangin mayo nga boxers sa Paris.
Ang Pilipinas natalana nga magpadala sang best boxers sa 2024 Paris Olympic Games sa July.
Ang Filipino boxers, trainers, kag staff ang magalupad padulong sa France sa July 22 agud magpatigayon sang training camp didto kag kasunod sang three-week camp sa Germany kun sa diin ang mga sparring partners ang naghalin sa United States, Australia, India, Thailand, Cuba, kag Mongolia.
Ang Tokyo silver medalists Carlo Paalam (men’s 57kg) kag Nesthy Petecio (women’s 57kg), bronze medalist Eumir Marcial (men’s 80kg), kag first-time Olympians Hergie Bacyadan (women’s 75kg) kag Aira Villegas (women’s 50kg) amo ang magadala sang hayahay sang Pilipinas sa Hulyo.
