ILOILO CITY- Patay gid ang isa ka lalaki nga nanukot sang utang matapos ginbuno sang lalaki nga iya ginsukot sa sulod mismo sang barangay hall sa Malinao, Aklan.
Nakuhaan sang CCTV footage nga nagpungko ang biktima sa sulod sang barangay hall kag ginahulat ang lalaki nga may utang sa iya nga P2,000.
Sang nag-abot ang suspek, sa baylo ng magbayad, ginhan-usan niya sang kutsilyo kag naigo ang biktima.
Gilayon nga nalagyo ang suspek sakay sa motorsiklo apang natigayon man nga naaresto sang otoridad.
