𝗦𝗔𝗡 𝗘𝗡𝗥𝗜𝗤𝗨𝗘, 𝗜𝗟𝗢𝗜𝗟𝗢 — Ginapreparar na sang San Enrique Municipal Police Station ang kaso nga posible ipasaka batok sa suspek nga nagtiro sa van nga naglabay sa dalan sang Barangay Braulan, San Enrique, Iloilo.
Ini kasunod man sa pag-aresto sa suspek nga si alyas “Totong” nga nagpalupok sang pusil sa amo nga adlaw.
Ang sakay sang van ang lima ka indibidwal nga magpamilya nga residente sang Brgy. Malag-it, Passi City.
Sa interview sang Bombo Radyo kay Police Lieutenant Vincent Garcia, hepe sang San Enrique Municipal Police Station, iya ginpahayag nga nadakop ang suspek paagi sa witness nga si alyas “Don”, sa diin, gintul-id sini ang identity sang suspek nga ginkumpirma man sang mga residente.
Suno kay Garcia, gin-ako mismo sang suspek nga nagpalupok siya sang armas-luthang, sa diin, matapos sini nga nagpalupok, gilayon nga ginhaboy sini ang iya nga pusil.
Ginpahayag man ni Garcia nga santo sa ila nga imbestigasyon, wala sila sang may nakit-an nga cartridge sang pusil kun sa diin nagluntad ang insidente.
Nagtuga naman ang pagpaniro sang duha ka igo sa likod sang van.
Gin-athag naman sang natungdan nga tuyo sang suspeknga tiruhon ang van bangud nasal-an sini nga iya kontra.
Nahibaluan nga sang Abril 27, 2024, may yara sang isa ka blotter report nga naga-angot sa suspek, sa diin, nagaguwa nga nagpalupok man ini sang pusil bangud sa naglabay man nga van kag motorsiklo sa tubang sang ila nga puluy-an.
