GORMAN, CALIFORNIA – Ginpatuman na ang forced evacuations kasunod sang nagluntad nga wildfire sa Grapevine sa Los Angeles County sa Amerika.
Suno kay Bombo John Felco Talento, station manager sang Bombo Radyo Iloilo kag direkta subong sa Amerika, iya ginpahayag nga nag-umpisa ang kalayo bangud sa post fire malapit sa southbound Interstate 5 kag Gorman Post Road.
Sa subong, ang kalayo ang naglapta na sa masobra 14.57 square kilometers.
Nagkalasunog naman ang mga pamalay, salakyan kag mga business establishments sa lugar.
Ang mando nga evacuation ang para sa mga indibidwal kag pamilya nga naga-istar sa Hungry Valley State Vehicular Recreation Area kag sa nakatundan nga sang Gorman School Road.
Ginsirado naman ang Gorman Post Road bangud sa kalayo.
Nagmando naman ang California Highway Patrol Fort Tejon sa mga motorista nga nagalabay sa Interstate 5 nga indi mag-untat sa center median agud lang magkuha sang pictures kag videos.
