Sa labing-una nga tion sa sulod sang masobra isa ka dekada, nangin kampyon sa Philippine Basketball Association (PBA) ang Meralco Bolts.
Ini matapos ginlutos ang San Miguel Beermen, 80-78, sa Game 6 sang 2024 Philippine Cup Finals sa Araneta Coliseum kagab-i, Hunyo 16.
Nagpanguna sa team si Chris Newsome nga may 15 points, apat ka assists, kag duha ka steals kag amo man ang nakakuha sang Finals Most Valuable Player (MVP) award.
Nagbulig man sa paghakwat sang Bolts nga makuha ang 4-2 lead sa best-of-seven series amo si Allein Maliksi kag Bong Quinto nga may tag-14 kag 11 points.
Sa Beermen, nagpanguna sa puntos ang Best Player of the Conference nga si June Mar Fajardo nga may 21 puntos kag 12 rebounds kag CJ Perez nga may 14 points.
Maragtason ini nga kadalag-an sa Bolts bangud ini ang una nga kampyonato para sa Meralco franchise halin sang nagsulod liwat sa liga sang 2010. Nagpangibabaw man sila anay apang natabo ini sang 1971 kag sa idalom pa sang Manila Industrial and Commercial Athletic Association ukon antes ang PBA.
