Nagpaguwa ang Department of Labor and Employment (DOLE) sang pagsulundan sang swelduhanay sa private sector employees kadungan sang pag-obserbar sang Eid’l Adha subong nga adlaw, Hunyo 17.
Sa idalom sang Labor Advisory Number 08, ang mga empleyado nga maga-report sa trabaho subong nga adlaw ang makabaton sang doble ukon 200 percent sang ila sweldo sa nauna nga walo ka oras.
Kun maglapaw, magabayad ang employer sang dugang nga 30% sa rate sang kada oras sa amo nga adlaw.
Sa pihak nga bahin, makabaton naman sang 100% sang sweldo ang mga indi magtrabaho subong nga adlaw sa kondisyon nga naka-report sa trabaho ukon naka-file sang leave of absence with pay sa adlaw antes ang regular holiday.
Pananglitan rest day subong sang empleyado, mahimo ini nga basic wage x 200 percent x 130 percent.
Ang Eid’l Adha isa sa duha ka importante nga tion sa Muslim calendar nga amo ang nagamarka sang pagtakop sang holy fast sa bulan sang Ramadan.
Gindeklarar ini ni President Ferdinand Marcos, Jr. nga isa ka regular holiday sa bilog nga pungsod paagi sa Proclamation 579, Series of 2024.
