𝗜𝗟𝗢𝗜𝗟𝗢 𝗖𝗜𝗧𝗬 — Indi na magpatuman sang imbestigasyon ang Iloilo City Council kaangot sa ginapahayag nga pagpatay sa ido sa Iloilo City Pound and Animal Shelter (ICPAS).
Sa interview sang Bombo Radyo kay Iloilo City Councilor Ely Estante, Chairman sang Committee on Animal Welfare, iya ginpahayag nga naintindihan sini ang paglain sang statement sang katapo sang General Services Office (GSO) kaangot sa ginapahayag nga pagpatay sa ido sa dog found, bangud possible nga ginprotektahan niya lamang ang iya nga trabaho.
Suno kay Estante, wala na sang patigayunon nga imbestigasyon bangud wala man sang pormal nga reklamo ang ginpasaka batok sa dog found.
Ginpatawag naman ni Estante ang witness sa ginapahayag pagpatay sa ido nga magpadulong sa iya talatapan agud nga usisaon, sa diin, nangin tayuyon naman ang sabat sini.
Matandaan nga sang damlag lang, nagpaguwa sang statement ang GSO kaangot sa issue, sa diin, nakasaad nga ang nakita sang amo nga witness amo ang nagahibi nga ido bangud sa ginpaligo-an.
Apang santo sa panaysayon sang witness, duha ka tawo ang iya nga nakita nga nagpatay sa ido kag ginsulod ini sa sako, apang wala na niya makita kun sa diin gindala ang sako nga may unod nga ido.
