Nagpanguna ang Department of Migrant Workers (DMW) sa pagsugata sa pag-abot sang 21 sa 22 ka Filipino seafarers nga sakay anay sa MV Tutor nga gin-atake sang Houthi rebels samtang nagalayag sa Red Sea.
Ini nga seafarers ang nakabaton sang P230,000 nga immediate financial assistance sa ila pag-abot nga kun pahat-pahaton:
– Php 150,000 halin sa House of Representatives Office of the Speaker;
– Php 50,000 halin sa Department of Migrant Workers;
– Php 10,000 halin sa Overseas Workers Welfare Administration; and
– Php 20,000 halin sa Department of Social Welfare and Development.
Antes nagpauli, nakabaton man sila sang 192 Bahraini dinars (P30,000) sang nagtinir sa Bahrain kun sa diin sila gindiretso sang US Navy matapos na-rescue sa tunga sang kadagatan.
Una naman nga nag-anunsyo ang Overseas Workers Welfare Administration (OWWA) nga may koordinasyon na ini sa local manning agency para masigurado nga mahatag ang iban pa nga financial aid kag assistance sa sini nga mga Pinoy.
Hunyo 12 sang nag-atake ang Houthi nga naka-base sa Yemen, kag pagkasunod nga inadlaw, nagbalos naman ang United States military paagi sa pagguba sang ila radar sites.
Isa pa ka Pinoy crew ang nagapabilin nga missing kag ginapatihan nga na-trap sa engine room sang MV Tutor.
