ILOILO CITY – Magahatag ang Iloilo City Government sang financial assistance sa mga nasunugan sa Brgy. Tanza Bonifacio kag Brgy. Rizal Estanzuela, Iloilo City Proper.
Nahibaluan nga 33 ka mga puluy-an ang totally burned kag 15 naman ang partially burned nga mga panimalay nga apektado sang sunog.
Sa interview sang Bombo Radyo kay Teresa Gelogo, pinuno sang City Social Welfare and Development Office (CSWDO), iya ginpahayag nga P10,000 ang mabaton sang totally burned kag P7,000 naman ang partially burned nga mga panimalay.
Suno kay Gelogo, kinahanglan anay nga magpasa sang dokumento ang mga nasunugan.
Ang financial assistance ang ibase sa household kag indi sa tagsa ka pamilya.
