ILOILO CITY- Anom ka tawo ang patay matapos nabungguan sang elf truck ang ila ginasakyan nga tricycle sa General Santos City.
Kalakip sa mga biktima ang tatlo ka mga menor de edad.
Sa impact sang bunggunaay, nagupi gid ang tricycle gani nangin mabudlay ang pagkuha sa mga biktima.
Lima sa mga biktima, kalakip ang tricycle driver, ang dead on the spot.
Sa ospital naman ginbawian sang kabuhi ang anom ka tuig nga bata nga sakay man sa tricycle.
Nahibaluan nga halin sa resort kag gapauli na ang mga biktima sang matabo ang aksidente.
Depensa naman sang driver ng truck nga mahinay lang ang dalagan sini kag ang tricycle ang nadulaan sang control.
Ginkustodiya naman sang otoridad ang driver sang truck.
