BANGKOK, THAILAND – Aprubado na sa Thailand ang pag-legalize sang same-sex marriage.
Naghimo naman sang maragtas ang Thailand bilang pinakauna nga pungsod sa Southeast Asia nga nagpasugot sa pagpakasal sang same-sex couples.
Gin-aprubahan ini sang Senado sa diin 130 ang nagpabor, 4 ang nagpamalabag kag 18 ang nag-abstain.
Ang bag-o nga legislation ang ihatag naman kay King Maha Vajiralongkorn parasa royal assent kag ipatuman sa sulod sang 120 ka adlaw matapos ang publication sa official Royal Gazette.
Nahibaluan nga madugay na nga suportado sang Thailand ang LGBTQ community.
Masobra naman sa 30 ka mga pungsod sa kalibutan ang nag-legalize sang pagpakasal sang same-sex couples.
Ang Netherlands amo ang pinakauna nga pungsod nga nag-celebrate sang same-sex unions sang tuig 2001.
Apang sa Asia, ang Taiwan kag Nepal ang nagakilala sa marriage equality.
