𝗜𝗟𝗢𝗜𝗟𝗢 𝗖𝗜𝗧𝗬 — Gin-ako sang Iloilo City Environment and Natural Resources Office (CENRO) nga dako nga pagpanghangkat sa ila ang tuman ka damo nga water lilies sa Dungon Creek kaangot sa ila pagpatuman sang mano-mano nga clean up drive.
Sa interview sang Bombo Radyo kay Engineer Niel Ravena, head sang Iloilo City Environment and Natural Resources Office, iya ginpahayag nga naggamit sila sang floating dredger agud nga makuha ang mga basura apang mas ginpili na lang nga mano-manohon ang paglimpyo sa creek bangud nga may waste trap sila nga ginbutang.
Suno kay Ravena, sa subong, wala pa naubos kuha ang mga water lilies kag ang stratehiya nga ila ginhimo agud nga indi na magsakot ang basura, amo ang pagmano-mano.
Ginpahayag man sini nga posible ang phosphate sa tubig ang rason kun ngaa madasig nga nagatambok ang mga water lilies sa creek.
Nahibaluan nga sang nagligad nga adllaw, nakakuha ang Iloilo City Environment and Natural Resources Office sang 48 cubic meters nga basura sa nasambit nga creek.
