ILOILO CITY- Nagdepensa ang gobyerno sang Saudi Arabia sa tunga sang kritisismo kag pagbasol sa ila bangud sa kamatayon sang masobra 1,000 ka mga pilrgrims nga Muslim kadungan sang Hajj pilgrimage.
Suno sa Saudi official, wala nagpabaya ang gobyerno apang may natabo nga misjudgement sa bahin sang mga tawo nga ginbalewala ang risgo sang pagpadulong sa Saudi sa tunga sang tuman ka init nga panahon.
Suno kay Bombo Nilo Magalan, intl correspondent sa Saudi, narekord ang pinakamataas nga numero sang napatay nga yara sa 577 sa duha ka pinakamasako nga adlaw sang hajj:sang Sabado sang nagtipon ang pilgrims sang pila ka oras para sa prayers sa kabukiran sang Mount Arafat, kag sang Domingo , sang sila ang nagpartisipar sa “stoning of the devil” ritual sa Mina.
Nahibaluan nga isa ka babaye nga overseas Filipino worker (OFW) ang nalakip sa mga napatay bangud sa extreme heat sa tion sang Hajj pilgrimage nga ginkumpirma man sang Department of Migrant Workers (DMW).
