𝗜𝗟𝗢𝗜𝗟𝗢 𝗖𝗜𝗧𝗬 — Suportado ni Iloilo City Mayor Jerry Treñas ang plano nga pagtunga sang Iloilo City sa duha ka distrito.
Sa interview sang Bombo Radyo kay Treñas, iya ginpahayag nga mas mangin matawhay ang dalagan sang politika kun may duha ka distrito ang syudad bangud may tagsa na ka katungdanan ang mga may tuyo nga magpungko bilang opisyal sang gobyerno.
Suno kay Treñas, makapila na siya ka beses nga nagsulat sa senado kag sa presidente agud nga iduso ang tikang sa diin, nakaupod pa sini si Iloilo City Lone District Representative Jamjam Baronda nga nagsulat kay President Ferdinand Marcos, Jr.
Ginpahayag man sini nga tuman ka kwalipikado ang syudad sa amo nga plano kun basehan lamang ang estado sini kag ang legal basis.
Ginhalimbawa man sang akalde ang Marikina nga apisar gamay nga syudad, nasarangan nga matunga sa duha ka distrito kag nangin madinalag-on subong.
