Masami nga ang ginahunong sa karsel ukon ang ginadagdagan sang multa amo ang mga tawo nga nagapangawat, naga-maoy, nagatuga sang iban pa nga eskandalo, kag iban pa nga mga krimen.
Apang nakasugata ka na bala sang tawo nga nakasuhan bangud wala niya nadul-ong ang iya nobya?
Kagamay nga bagay kun pamatian apang amo ina ang rason kun nga nagtapos ang masobra anum ka tuig nga relasyon sang magkahagugma didto sa New Zealand kag nakalab-ot pa sa korte ang ila away.
Ini nga reklamo ang napasaka sa Disputes Tribunal ukon mas kilala nga smaller claims court ukon less formal ipaanggid sa korte bangud diri ginabaton ang indi man gid daku nga mga complaints para madasig maresolba.
Wala diri sang abogado kag huwes, apang may ginatawag nga tribunal referee para magpatunga sa duha ka kampo.
Ang reklamo nga ini nag-ugat sang wala gintuman sang lalaki ang iya pasalig nga idul-ong ang iya nobya sa airport rason nga nabayaan ini sang eroplano.
Nagawangal ang girlfriend bangud concert ang iya kadtuan kaupod ang iya mga abyan. Ginsiling sini nga ginlapas sang iya nobyo ang ila nga verbal contract”.
Ini bangud suno sa iya, sang ginmunuhan niya ini sa iya plano, nagtango man, buot silingon nagpasugot ini nga siya ang mabantay sang balay kag duha ka ido samtang wala ang nobya.
Bangud na-miss sang babaye ang iya flight, nagdugang ini sang bayad para sa lain naman nga flight pagkaaga. Gindala man sini pati ang iya mga ido para indi na ini magsalig sa iya nobyo, kag nagbayad pa ini sang extra sa shuttle service sa airport.
Pati ang bakasyon nila sang Disyembre 2023, nadumduman pa sang babaye kag ginbutang man sa legal document nga siya man ang nagbayad sa pamasahe sa ferry gani nagapanukot man siya sang bayad sang iya boyfriend.
Sang ulihi, ginbasura man sang tribunal ang kaso bangud suno diri, agud mapanabat ang isa ka tawo, dapat maplastar nga may “intention to create a legally binding relationship.”
“Partners, friends and colleagues make social arrangements, but it is unlikely they can be legally enforced unless the parties perform some act that demonstrates an intention that they will be bound by their promises,” suno sa desisyon.
“When friends fail to keep their promises, the other person may suffer a financial consequence but it may be that they cannot be compensated for that loss.”
Suno pa sa tribunal referee nga si Krysia Cowie, ang nature sang promisa nga ginahimo ang normal lamang nga give and take sa isa ka intimate relationship.
“As I have found that the parties made their agreement in the context of their friendship, CL has not shown she is entitled to the order that she seeks and her claim is dismissed,” suno pa sa desisyon nga ginpaguwa sang Marso apang subong lang nasapubliko.#
