MANILA — Wala nagpakita si suspended Bamban, Tarlac Mayor Alice Guo sa hearing sang Senate committee on women kaangot sa operasyon sang Philippine Offshore Gaming Operators (POGO).
Sa official guest nga ginpakita sang Senate panel, nabutang nga indi magtambong si Guo sa hearing.
Wala naman naghatag ang Senate panel sa detalye sang paglikaw sini sa hearing.
Nahibaluan nga nabutang si Guo sa kontrobersiya matapos nagwa ang kaangtanan sini sa Zun Yuan Technology Inc. — ang illegal Pogo hub sa Bamban, Tarlac.
Makapila ka beses naman nga gin-deny ni Guo ang tanan nga mga akusasyon sa iya lakip na ang pagtuldo sa iya nga spy sang China.
Una diri, ginpaidalom sang Office of the Ombudsman si Guo sa ‘six-month preventive suspension without pay’ bangud sa kaangtanan sini sa POGO kag ang pagkwestyon sa iya citizenship.
Ginpasakaan man ini sang Department of Justice sang non-bailable offense nga qualified human trafficking bangud sa kaangtanan sini sa illegal POGO.
