𝗜𝗟𝗢𝗜𝗟𝗢 𝗖𝗜𝗧𝗬 — Liwat nga ipatuman sang Iloilo City Agriculturist Office kag sang City Social Welfare and Development Office (CSWDO) ang community garden sa tagsa ka mga barangay sa Iloilo agud mangin palangabuhian sang mga residente.
Sa interview sang Bombo Radyo kay Iñigo Garingalao, head sang Iloilo City Agriculturist Office, iya ginpahayag nga subong nga tig-ululan, nagapadulong ang talatapan sa mga barangay nga may community garden agud nga sekyaron kun may yara sila sang flood control agud nga malikawan nga magkalamatay ang mga tanom.
Suno kay Garingalao, nagalibot man ang mga tinawo sang City Social Welfare And Development Office sa mga kabarangayan paagi sa programa nga Climate Mitigation agud nga magbulig grand treat sang mga pananom.
Ginpahayag man sini nga padayon ang sige-sige ang pag-check-up sang mga team sa mga barangay tubtob nga ma-harvest ang mga tanom.
Maagi man ang garden sa tatlo ka validation agud malantaw ang progress sang mga tanom antes nga hatagan sang pinal nga grado sang talatapan.
Nahibaluan nga may yara sang 71 ka mga barangay sa syudad ang nagpasakop sa urban farming ukon may yara sang community garden nga sa subong, padayon pa nga ginalibot sang City Agriculturist Office.
