Ginkumpirma sang aktres nga si Carla Abellana nga “officially divorced” na ang ila status sang iya anay bana nga si Tom Rodriguez.
Suno pa sa 38-anyos nga aktres, ang divorce decree nga nakuha ni Tom nga isa ka American citizen ang gin-recognize sang local nga korte diri sa Pilipinas duha ka tuig matapos nga gin-finalize ini sa Estados Unidos sang Amerika.
Matandaan nga binulan matapos ang ila separasyon, nagpadulong si Tom sa US sang Marso 2022 kag ginkumpirma ang divorce sang Hunyo sang amo man nga tuig. Sang Pebrero 2023 naman, ginsiling ni Carla nga nag-file na ni sang petition sa korte sa Pilipinas agud nga kilalahon ang amo nga divorce decree.
Wala gihapon ginsapubliko ang rason sang ila pagbulagay apang suno kay Carla, napatawad na sini ang iya anay bana apang indi lang sini malipatan ang natabo sa ila.
“We are divorced. Recognized na po yan ng korte, ng local court natin dito. We haven’t spoken since. Hindi pa kami nagkikita or naguusap. I have no idea kung nakikipag-date na siya. Wala po akong updates or anything because we don’t communicate anymore,” pahayag ni Carla.
Nangin mabudlay man ang banas suno sa iya, apang madeklarar na sini subong nga malipayon na siya subong kag nahilway na sini ang kaugalingon sa sakit nga iya nabatyagan.
“100 percent (wala na ang galit). Ang hirap ng may bitbit na galit because life is so short. If you hold on to anger, it will just ruin you. It will manifest sa iyong health. Dala n’yo yun. I believe hindi kayo fully makakamove-on kung kay konting galit kayo na naiiwan,” dugang sini.
Sa bahin ni Tom, nakabalik na ini sa Pilipinas subong nga tuig kag nag-ako nga nagapakigkita na ini sa bag-o nga gina-date.
Matandaan nga pito ka tuig ang relasyon nanday Carla kag Tom, na-engage sang Oktubre 2020, nagpakasal sa Madre de Dios Chapel, Tagaytay Midlands sa Talisay, Batangas sang Oktubre 23, 2021 apang wala nagdugay kag gin-anunsyo ang separasyon sang Hunyo 2022.
