Isa ang graduation day sa mga adlaw nga aton gid ginahandaan bangud diri naton mapasalamatan ang mga tawo nga nangin parte sang aton kadalag-an kag diri man naton ulihi makit-an ang pila sa aton mga abyan kag classmates.
Talagsa lang sa malaka nga may gamo nga nagakatabo diri, gani matandaan gid kun may ginhimo nga eskandalo kaangay sining isa ka estudyante sa China.
Natabo ini sa graduation rites sa Fudan University sa Zhengda Stadium, Shanghai kun sa diin masobra 10,000 ka mga estudyante ang nagtapos sa ila pag-eskwela.
Sang nakaabot na sa degree conferment segment, naglinya ang mga propesor sa entablado suksok ang ila pula nga toga kag diri na kuntani nga parte nga isa-isa mag-atubang ang mga estudyante sa propesor para masaylo ang ila tassels.
Madamo gid ang nakibot sang natumba ang isa ka professor bangud nga gintapungol ini sang estudyante sa iya atubangan.
Dali-dali man nga nagpanaog sa stage ang estudyante samtang nabuka naman ang antipara sang teacher kag gindapatan gid sang pagbulong bangud sa minor injuries.
Daku ang pagpati nga isa ka mistaken identity ang natabo sa amo nga seremonya kag ang dean gid kuntani ang target sang estudyante.
Nahibaluan nga ang estudyante ang yara sa shortlist para sa Peking Univeristy Health Schience Center master’s degree program sang Abril, pero wala ginpasugtan sang unibersidad bangud ginapaidalom pa siya sa ideological and moral assessment.
Ginalantaw nga tuman ang paglain sang buot sini rason nga nasumbagan sini ang professor.
Gina-imbestigaran sang Student Affairs Office kag Law School staff sang unibersidad ang hitabo, ginahulat pa ang mangin statement sang estudyante, kag ginabantayan man kun ano nga disciplinary action ang idagdag batok sa iya.
