MALAYSIA – Nagdala sang kadungganan ang grade 12 students sang University of the Philippines High School matapos nakakuha sang tatlo ka special awards during sa 13th Regional Congress Search for SEAMEO Young Scientists nga ginpatigayon sa Penang, Malaysia.
Ang research team nga kilala bilang Team Chembyo, ang nakakuha sang silver medal sa Outstanding Award for Project Exhibit, bronze medal para sa Special Award for Creativity or Innovation kag Special Award para sa Benefit(s) to the Community.
Ini ang ginabug-usan nanday Precious Sophia Bayoneta, Contessa Marie Ko, Earianne Jayne Ogatis, kag Rysa Anne Tabuada.
Sa interview sang Bombo Radyo kay Professor Jonny Pornel, research adviser, iya ginpahayag nga ang
research study sang iya mga estudyante ang may tigulo nga “Characterization of Corn Flakes Incorporated with Moringa (Moringa oleifera) and Jamaican Cherry (Muntingia calabura)”.
Suno kay Pornel, ini ang isa sa mga research studies nga ginpresentar sa competition.
Nahibaluan nga ang event ang may masobra 500 ka mga delegado halin sa Southeast Asia.
