ILOILO CITY – Linibo ka mga cyclists nagikan sa nagkalain-lain nga bahin sang Pilipinas ang magapadulong sa Iloilo City kadungan sang 10th Iloilo Bike Festival.
Nahibaluan nga ang Iloilo City ang ginbansagan bilang “Bike Capital of the Philippines.”
Sa interview sang Bombo Radyo kay Wilfredo Sy Jr., Iloilo Bike Festival Director, sa idalom sang Iloilo Festivals Foundation Inc. (IFFI), iya ginpahayag nga patigayunon ang aktibidad sa Hulyo 20 tubtob 28.
Tema sang festival amo ang “Cycle for Change: Celebrating 10 Years of Cycling Culture.”
Suno kay Sy, ang event ang kabahin sang commitment ang Iloilo City agud ma-promote ang healthy kag sustainable lifestyle.
Humalin sang gin-umpisahan ini sang 2014, ginpahayag ni Sy nga nangin dako ang importansya sini sa paghimo sang Iloilo bilang bike-friendly city.
Magluwas diri, luyag man nila nga ma-promote ang pag-bisekleta bilang alternatibo sa mga salakyan.
