𝗟𝗔𝗠𝗕𝗨𝗡𝗔𝗢, 𝗜𝗟𝗢𝗜𝗟𝗢 — Ginkumpirma naman sang witness sa kapulisan nga nakita sini nga si “Alyas Bugoy” ang naglagas, naglampos, kag nagbuno sa biktima, rason nga ginbawian ini sang kabuhi.
Sa interview sang Bombo Radyo kay Police Major Tayona, hepe sang Lambunao Municipal Police Station, iya ginpahayag nga nakita sang witness ang krimen sang ini ang nagbalik sa lugar kun sa diin nagluntad ang insidente.
Suno kay Tayona, nakita man sang witness nga nagadalagan ang biktima nga wala na sang pang-idalom nga panapton samtang ginalagas ini sang suspek.
Ginpahayag man sini nga sang nalab-ot na sang suspek ang biktima, natumba ini kag idto na sang natigayon nga nabuno sang suspek.
Dugang sang natungdan nga nagpanagang pa ang biktima samtang ini ang ginabuno, rason nga may mga pilas man ini sa butkon luwas sa iya nga tiyan.
Nakita naman sa lugar ang isa ka dos-por-dos nga gingamit sa paglampos sa suspek, samtang ang kutsilyo ang wala na makita sang kapulisan.
Posible naman nga buwas nga adlaw ukon sa Martes mapasaka ang kaso-kriminal batok sa ginapahayag suspek sa krimen.
