𝗭𝗔𝗥𝗥𝗔𝗚𝗔, 𝗜𝗟𝗢𝗜𝗟𝗢 —Patay ang driver sang motorsiklo kag nakaagom naman sang pilas ang asawa nga angkas sini matapos disgrasya nga nakabunggo sa signage sa Barangay Dawis Norte, Zarraga, Iloilo.
Ang mga biktima amo sanday Reymundo Gardose, 41-anyos, kag si Lanie Gardose, 45 anyos nga lunsay residente sang Sinikway, Lapuz, Iloilo City.
Sa interview sang Bombo Radyo kay Police Captain Zharra Dela Rosa, Officer in Charge sang Zarraga Municipal Police Station, iya ginpahayag nga naka-angkon sang head injury ang bana rason nga gilayon ini nga gindeklara nga dead on arrival (DOA) sa Pototan Provincial Hospital.
Suno kay Dela Rosa, bangud sa mabaskog nga impact sang pagkabunggo, nakaagom ang asawa sini sang mga pilas sa kamot kag sa subong ginalapatan sang nagakaigo nga pagbulong.
Santo sa imbestigasyon, nagtabog ang mga biktima sa ginasakyan nga rouser motorcycle amo man ang ila sini nga mga helmet nga nangin dako nga kabangdanan sang pagkaagom sang patal nga pilas sa ulo sang lalaki.
Nahibaluan nga wala sang reflector ang amu nga signage nga isa sa nangin rason kun nga nagluntad ang insidente.
