Nagapati ang isa ka political law expert nga nagahilapit na ang panahon sa pagpagwa sang International Criminal Court (ICC) sang warrant of arrest para kay anay Presidente Rodrigo Duterte.
Sa interview sang Bombo Radyo kay Atty. Joenar Pueblo, political law professor sa University of San Agustin College of Law, iya ginpahayag nga ini ang sa pihak sang pagpakatig-a sang Malakanyang nga indi ini magbulig sa pag-imbestigar sa pagpatay sang linibo ka mga indibidwal kaangot sa ‘war on drugs’ sang anay administrasyon.
Suno kay Pueblo, una na nga ginpahayag sang ICC nga gin-ugyunan sang mga hukom ang rekomendasyon nga maimbestigaran ang ‘drug related killings’ sa Pilipinas sa rason nga nakitaan ang mga ini sang element sang ‘crimes against humanity.’
Nagbiya sang 2019 ang Pilipinas sa ICC, apang suno sa Hague-based International Tribunal mahimo sa gihapon nga maimbestigaran si Duterte tubtob bag-o pa ang pagtalikod sang pungsod sa kasugtanan.
Ini man ang mga rason suno sa abogado kun ngaa nagahimo subong sang mga isyu ang pamilya Duterte agud maglain ang issue.
