Ginpaguwa na sang Department of Trade and Industry (DTI) ang price guide para mabuligan ang mga consumers sa pagbakal sang school supplies samtang nga nagahilapit naman ang pagbukas sang bag-o nga school year.
Sakop sini nga guide ang specific brands sang notebooks, pad paper, pencils, ballpoint pens, crayons, erasers, sharpeners kag rulers.
Suno sa ahensya, amo sa gihapon ang presyo sang 68 percent ukon 80 out of the 117 stock keeping units (SKUs) samtang eight percent naman ang nakitaan sang pagnubo.
Sa pihak nga bahin, 24 percent ukon 28 SKUs ang nakitaan naman sang price increases.
Sa price guide subong nga tuig, ang presyo sang notebook ang nagatupa sa P11.80 to P52; P9.50 to P61 sa Grades 1 to 4 pad paper; P13.80 to P48.75 sa intermediate pad paper; P11 to P33 kag P3 to P33 naman para sa mga lapis kag ballpoint pens.
Sa crayons naman, mahimo mabakal ang box nga may walo ka colors for as low as P12 (regular) kag tubtub sa P65 (jumbo).
Nagapahanumdom man ang ahensya sa consumers nga i-check ang label sang school supplies kag dapat nga nakabutang ang pangalan kag address sang manufacturer ukon importer.
