ILOILO CITY- Maga-assign sang minimum nga 40 personnel kag maximum nga 50 personnel sa kada isa sa apat ka bag-o nabuksan nga police stations sa Iloilo City.
Ini ang ginalakipan sang mga masunod: Iloilo City Police Station 7 sa I-Care Center sa Barangay Tanza-Esperanza;Iloilo City Police Station 8 sa Bo. Obrero Barangay Hall sa Lapuz;Iloilo City Police Station 9 sa Uswag Youth Center sa Jaro;kag Iloilo City Police Station 10 sa ICARE Center sa Gaisano ICC sa Mandurriao
Sa interview sang Bombo Radyo kay Police Brigadier General Jack Wanky, iya ginpahayag nga ipatuman ang “85-15” scheme sa sini nga bag-o nga mga police stations.
Suno kay Wanky, ang 15% sang personnel ang magatukot sa administrative works sa opisina samtang ang 85% naman ang yara sa field.
Una na nga gintawag ni Philippine National Police chief General Rommel Francisco Marbil nga first class ang apat ka mga dugang nga police stations sa Iloilo City.
Si Marbil ang personal nga nagpadulong sa Iloilo City agud pangunahan ang inauguration sang mga bag-o nga police stations sang Hulyo 2.
