𝗪𝗔𝗦𝗛𝗜𝗡𝗚𝗧𝗢𝗡 — Na-record ang ika-apat nga kaso sang human case nga bird flu sa Estados Unidos nga ginaangot sa outbreak sang virus sa mga dairy cattle ukon baka.
Suno sa US Centers for Disease Control and Prevention (CDC), kaangay sang mga nagligad nga kaso, ang amo nga tawo ang nagtrabaho sa isa ka uma kag ginapahayag, nalatonan sang virus halin sa infected nga baka.
Apang gin-athag man sang ahensya ang ang impeksyon ang natabo sa Colorado kag ang apektado nga tawo ang may mga sintomas lamang sa mata, sa diin, ginhatagan sang bulong nga antiviral, kag sa subong, ang maayo na.
Nahibaluan nga ang una nga kaso sa amo nga pungsod ang na-record sa Texas sang nagligad nga Abril 1 kag duha naman ang na-report sa Michigan.
Una na nga natukiban ang epidemya sang Marso, kag sa subong, madamo na nga baka ang natapikan sang amo nga virus sa Amerika.
Nagakabalaka naman ang eksperto sa nagadamo nga numero sang mga natapikan sang balatian, apisar pa nga ang mga kaso sa mga tawo nagapabilin nga tumalagsahon.
Ginakahadlokan man sang eksperto nga ang mataas nga sirkulasyon ang mahimo nga makapadasig sang mutation sang virus nga magatugot nga mag-agi gikan sa isa ka tawo kag magalaton sa iban.
