Opisyal na nga nagpungko bilang prime minister sang United Kingdom si Labour Leader Keir Starmer kasunod sang pagpakigkita sini kay King Charles III sa Buckingham Palace.
Siya ang ika-pito nga Labour prime minister sa maragtas sang U.K., ginbuslan sini ang liderato ni Rishi Sunak, kag siya man ang nagtapos sang 14 ka tuig nga pagpamuno sang Conservative government.
Gintib-ong ni Starmer nga malab-ot sang Labour ang landslide victory sa eleksyon kag nangin una man nga lider halin sa center-left party nga nakadaog sa U.K. national election halin sang tion ni Tony Blair nga nagdaog sang 1997.
Kasunod sang iya pag-atubang sa hari, ginsunod sini ang mandu nga magtukod na sang bag-o nga liderato paagi man sa pag-appoint sa magabug-os sa iya Gabinete.
Malawig ang lista sang ulubrahon sini lakip na ang pagtutok sa ginalaragway nga “anaemic” na nga pag-tubo sang ekonomiya kag kulang nga pondo para sa public service.
Ginpromisa man sini nga ibalik ang integridad sa pulitika kasunod sang ginapahayag magamo nga tion kag mga eskandalo sa idalom sang lima ka Tory prime ministers sa masobra isa ka dekada.
