Patay ang top-ranked grandmaster sang Bangladesh nga si Ziaur Rahman matapos nga nag-suprer sang stroke kag nag-collapse sa iya board kadungan sang iya ginpasakupan nga national championship match.
Suno kay Bangladesh Chess Federation general secretary Shahab Uddin Shamim, natabo ang pag-collapse sang 50-anyos nga grandmaster sa 12th round match sang championship batok sa isa pa ka grandmaster nga si Enamul Hossain.
Ginhingagaw ini dala sa ospital sa kapital sang pungsod nga Dhaka apang gindeklarar sang doctor nga dead on arrival.
Sang tion nga napatay si Rahman, yara man sa pihak nga lamesa ang iya anak nga nagahampang man sang chess.
Siya ang ginakilala nga highest ranked sa lima ka chess grandmasters sang Bangladesh. Pila ka beses sini nga nadag-an ang national championship kag gintiglawas pa ang Bangladesh sa 44th Chess Olympiad sa India sang 2022.
