𝗜𝗟𝗢𝗜𝗟𝗢 𝗖𝗜𝗧𝗬 — Nagapati ang Iloilo City Public Safety Transportation Management Office (PSTMO) nga indi na kinahanglan nga dugangan ang pedestrian lane sa Diversion Road.
Sa interview sang Bombo Radyo kay Mr. Jeck Conlu, head sang nasambit nga talatapan, iya ginpahayag nga ang diversion road ang isa ka open highway nga may dako nga tsansa nga madisgrasya ang mga nagatabok kun madamo nga pedestrian lane ang ibutang.
Suno kay Conlu, mas kinahanglan nga matun-an sang mga tawo ang disiplina agud mahibaluan ang insakto nga lugar kun sa diin magtabok ilabi na kun yara sa highway.
Ginpahayag man sini nga ginatun-an subong sang ila nga talatapan ang tanan nga pederstrian lanes sa syudad agud nga mahatagan man sang igtalupangod ang mga person with disabilities (PWD) kag senior citizen.
Ginalantaw man ni Conlu ang posibilidad nga butangan sang overpass ukon underpass ang Diversion Road bangud ini ang mas nagakabagay sa lugar.
