Ginkumpirma mismo ni National Bureau of Investigation (NBI) Director Jaime Santiago nga ang mga lawas nga nakutkutan sa Capas, Tarlac amo ang missing beauty pageant contestant nga si Geneva Lopez kag ang iya Israeli fiance nga si Yitzhak Cohen.
Ini kasunod sang autopsy kag DNA test and analysis nga ginhimo sang ahensya.
Matandaan nga kahapon sang aga, Hulyo 6, sang nakutkutan sang Scene of the Crime Operatives (SOCO) ang nagakaagnas na nga bangkay sang lalaki kag babaye sa isa ka quarry site sa nabaw-ing nga bahin sang Barangay Sta. Lucia sa Capas.
Sa pihak nga bahin, nadakpan naman sang Criminal Investigation and Detection Group (CIDG) ang duha ka anay pulis, isa ka real estate middleman kag isa pa ka person of interest nga gina-alegar nga involved sa krimen.
Kadungan sang pag-aresto sa ila sa idalom sang Oplan Paglalansag Omega ukon ang government campaign batok sa private armed groups kag loose firearms, na-recover sang otoridad ang mga armas, ammunition kag Granada.
10591.
Matandaan nga Hunyo 21 sang katapusan nga nakit-an nga buhi sanday Geneva kag ang iya nobyo sang nagbyahe sila pa-Capas para kuntani maglantaw sang duta nga ila plano nga baklon.
Pagkasunod nga adlaw, nakit-an nga sunog na ang ila salakyan sa kilid sang dalan sa amo nga banwa apang wala ang mga lawas sang biktima.
Antes nakutkutan ang ila lawas kahapon, nagdangat pa sa P1.4-million ang gintanyag nga reward money sa makahatag sang impormasyon kaangot sa ila nahamtangan.
