ILOILO CITY- Nangayo sang bulig ang Poland sa Finland, Germany kag Greece agud magpadala sang ila mga suldado para bantayan ang border sa Belarus bangud sa problema sa migration.
Suno kay Bombo Neva Intrepido- Kessler, international correspondent sa Poland, gin-report sang Polish government nga mas nagadamo nga migrants ang nagasulod sa ila pungsod paagi sa ila border sa Belarus.
Pahayag ni Intrepido- Kessler, ginakabalak-an sang Poland nga ang mga tawo nga naga-cross sa border ang gin-train agud mag-atake sa Polish soldiers.
Suno pa sa natungdan, hybrid warfare ang ginahimo sang Belarus kag dapat ini nga punggan sa pinakamadali nga panahon.
