π ππ‘πππ βGin-anunsyo sang Bureau of Customs (BOC) nga nalab-ot sini ang ila target nga pagkolekta sang kita sa sulod sang first half sang 2024, nga nakakolekta sang masobra P455 billion humalin Enero tubtob Hulyo.
Base sa inisyal nga report sang Bureau of Customs, ang ahensya nakatipon sang kabug-usan nga P456.053 billion, nga mas mataas sa mid-year benchmark nga P442.621 billion.
Kon ipaanggid sa koleksyon sang kita sang nagligad nga tuig, ang karon nga kabug-usan sang first half sang tuig sang Bureau of Customs ang nagmarka sang 5.22 percent nga pagtaas ukon P22.621 billon.
Dugang pa diri, ang additional revenue nga natipon sang Bureau of Customs naglakip sang P1.749 billion gikan sa audit findings kag voluntary disclosures, P88.818 million gikan sa kita public action earnings kag nagkalainlain nga mga pantalan, kag P5.706 billion gikan sa Tax Expenditure Fund.
Ginpahayag man ni Customs Commissioner Bienvenido Rubio nga ang pagtaas sang performance sang kita, amo bangud sa gintingob nga workforce sang mga mamumugon sang ahensya, ginpasangkad nga valuation methods, kag ang karon nga pagbalhin sang digitization kag modernisasyon sang mga sistema sang Bureau of Customs.
