CEBU CITY – Nakakuha na ang Western Visayas sang pinakauna nga gold medal sa Palarong Pambansa 2024 sa Cebu City.
Ini amo si Sam Kenjie Bantillo kag naga-eskwela sa Don Casimero Andrada National High School sa Punta, Carles, Iloilo.
Nagpangibabaw si Bantillo sa Secondary Level- Boys category sa Long Jump.
Naka-record ini sang 7.07 meters sa Long Jump.
Suno kay Bantillo, tuman ang iya kalipay nga nakakuha sang bulawan nga medalya.
Ginahalad naman sini sa iya pamilya ang iya kadalag-an.
