𝗗𝗔𝗩𝗔𝗢 𝗗𝗘 𝗢𝗥𝗢 — Isa ka Philippine Eagle ang napatay sa Compostela, Davao de Oro, nga yara sa idalum sang pagtatap sang Philippine Eagle Foundation (PEF).
Suno sa Philippine Eagle Foundation, isa ka lalaki nga agila ang napatay bangud sa tuman nga pagkadula sang dugo gikan sa pilas sa wala sini nga pakpak, nga may mataas nga posibilidad sang sepsis halin sa iya pilas.
Santo sa medikal nga pag-usisa nagpakita nga may mga nabali nga mga tul-an nga naobserbahan sa wala nga mga lutalutahan sang tarsal sang agila.
Suno kay Dr. Si Bayani Vandenbroeck, isa beterinaryo, nakadiskubre sang pilas sa wala nga tarsal nga bahin sang pakpak sang agila, nga nagguwa sa pihak nga bahin kag naglab-ot sa wala nga bahin sang kilya sang pakpak ni Mangayon.
Nasapwan sang isa ka suldado sang Philippine Army ang naigo nga agila nga yara sa maluya nga estado sa pagpatrolya sa Barangay Mangayon.
Ang agila yara sa kustodiya sang Philippine Army patrol-base sa amo nga barangay.
Sang ginturn-over si Mangayon sa Philippine Eagle Foundation, wala na nagasabat ukon nagahuni ang agila, kag partially dilated ang tuo nga mata sini.
Sa inisyal nga pag-usisa, nagabug-at sang 5 ka kilo si Mangayon kag may indikasyon sang pagkaniwang kag dehydration.
Nagsuka man ang agila samtang ginadala kag ginapabulong.
Samtang, naga-guwa naman sa resulta sang necropsy nagpakita nga si Mangayon isa ka mapagros nga pispis nga ang tanan nga internal organs yara sa maayo nga kondisyon.
Ginpahayag man sang Philippine Eagle Foundation nga si Mangayon ang ika-apat nga biktima sang gunshot, lakip diri si “Lipadas” sa Mt. Apo, “Kalatungan” sa Bukidnon, kag si “Nariha Kabugao” sa Apayao.
Ginakabig naman sang Philippine Eagle Foundation nga ini na ang ika-20 nga kaso sang pagluwas sang agila halin sang 2020, nga nagresulta sang rate nga 5 ka pispis kada tuig, nga nagapabilin nga mataas.
Ginlaragway man sang Philippine Eagle Foundation nga ang Philippine Eagle ang ginakabig nga isa sa pinakadaku kag pinakamabaskog nga mga forest raptor, apang, nalista man sila nga yara sa katalagman nga madula ukon critically endangered sang International Union for Conservation of Nature (IUCN) nga may ginabanta nga kadamuon nga 400 ka pares lamang ang nabilin sa wild.
Nagpanawagan man si Philippine Eagle Foundation Executive Director Dennis Salvador para sa madasig nga implementasyon sang mas maayo nga mga interbensyon.
Suno kay Salvador, kinahanglan sang nagaigo nga tikang kag investment sang Local Government Unit (LGU) kag pungsodnon nga gobyerno kag nagapati man ini nga ang sektor sang civil society ang makahimo sang mas dako nga bulig.
Gin-athag man sini nga kinahanglan ang politikal nga kabubut-on kag aksyon sang gobyerno kag dapat nga may dugang man nga pondo para sa isa ka systematic kag nationwide species survival campaign antes pa man nga mangin ulihi ang tanan para sa aton nga national bird.
