Nagpatigayon sang press briefing ang Department of the Interior and Local Government (DILG), Philippine National Police (PNP) kag Armed Forces of the Philippines (AFP) kaangot sa pagkadakop sang co-accused ni Kingdom of Jesus Christ leader Pastor Apollo Quiboloy nga si Paulene Canada.
Mismo si Interior Sec. Benhur Abalos ang nag-anunsyo nga nadakpan si Canada.
Suno kay Abalos, sa gahom sang warrant of arrest, gin-aresto si Canada sa joint operation sa isa ka balay sa Emily Homes Subdivision, Davao City, ala-1:00 kahapon.
Nadakpan si Canada matapos nakakuha sang tip ang mga awtoridad halin sa isa ka impormante kaangot sa ginapanaguan sini, rason nga nagpatigayon sila gilayon sang operasyon.
Ginpresentar naman sang DILG kag PNP ang naaresto nga si Canada.
