𝗖𝗔𝗩𝗜𝗧𝗘 — Patay ang duha ka lalaki matapos maigo sang kilat sa General Trias City, Cavite sang Huwebes.
Suno sa kapulisan, nagabisikleta sa dalan ang duha sa tunga sang ulan sang hinali lang ini nga naigo sang kilat sa Barangay Tapia pasado alas-3:30 sang hapon.
Nag-agum naman sang patal nga mga pilas ang mga biktima sa ila nagkalain-lain nga parte sang lawas.
Gilayon sila nga gindala sa ospital apang lunsay gindeklarar nga dead on arrival sang doktor.
Base sa forecast sang PAGASA sang Huwebes, ang Cavite ang malakip sa mga maka-eksperyensya sang mabaskog nga ulan kag thunderstorms bangud sang intertropical convergence zone kag habagat.
