𝗜𝗟𝗢𝗜𝗟𝗢 𝗖𝗜𝗧𝗬 —Nagaplano ang Iloilo City General Services Office (GSO) nga magtukod sang Rapid Assessment Team agud nga magsekyar sang tubig sa syudad bangud sa nagapabilin nga kakulangan sang supply sini sa syudad.
Sa interview sang Bombo Radyo kay Engineer Niel Ravena, head sang General Services Office, iya ginpahayag nga ang team ang may tuyo nga magtuon sa supply sang tubig agud man nga madugangan ini ilabi na nga nagakulang sa gihapon ang supply.
Suno kay Ravena, wala naganubo sa 200,000 liters per day ang ma-deliver nga tubig sang ila nga talatapan para sa mga residente apang ini ang indi pa estable para sa mga consumers.
Ginpahayag man sini nga indi man magnubo sa 70 ka mga kabarangayan sa syudad ang ila nga nahatagan sang tubig.
Sa subong yara sa 12 million liters pa lang ang na-distribute sang ila talatapan kag gina-monitor na ini agud nga makahimo sang report kag mapasa sa disaster council sang syudad.
Isa man sa ginalantaw nga rason sang natungdan kon nga wala pa malab-ot ang target nga water distribution amo bangud sa mahinay nga distribution sang mga water distributors sang syudad.
Santo naman sa assessment ni Ravena sa tubig kag sa pag-deliver sang Metro Iloilo Water District (MIWD), ang itukod nga rapid assessment team ang may tinutuyo nga mag-validate sang water on ground agud nga ang ila nga serbisyo sa mga pumuluyo ang mapasangkad.
Nagpaathag man ang natungdan nga sa subong, indi sa gihapon estable ang supply sang tubig sa syudad.
