𝗜𝗟𝗢𝗜𝗟𝗢 𝗖𝗜𝗧𝗬 — Nakahanda si Iloilo City Mayor Jerry Treñas nga liwat makaupod si former Iloilo City Mayor Joe Espinosa III matapos ang pila ka tuig nga indi pag-intindihanay.
Sa interview sang Bombo Radyo kay Treñas, iya ginpahayag nga tion na agud nga i-set aside ang tagsa na pagpati sa politika, ilabi na nga isa man ini sa nangin rason sang ila indi pag-intindahanay.
Suno kay Treñas, handa man siya makaupod si Espinosa sa isa ka litrato kaangay na lamang sa mga naguwa nga laragway sang iya mga anak kaupod ang anay alkalde.
Ginpahayag man sini nga tion na agud nga mag-maayohay kag maghiniropay sila bilang isa ka pamilya.
Dugang man sang alkalde nga tuman ka close ang iya mga anak kay former Mayor Espinosa kag isa man ini ka rason agud nga mangin maayo sila sa isa kag isa.
