ILOILO CITY- Ginaplano na sang bilyonaryo nga si Elon Musk ang pag-donar sang kapin $45 million kada bulan sa pro-Trump super political-action committee.
Base sa impormasyon, plano sang Tesla CEO kag pinakamanggaranon nga tawo sa kalibutan nga suguran ang donasyon subong nga Hulyo para sa sa America political-action committee, para suportahan si former President Donald Trump sa iya presidential run.
Sang Sabado sang ginsapubliko ni Musk ang iya pag- endorso kay Trump sa labing- una nga tion sa US presidential race, inoras matapos ang assassination attempt sa anay president sa iya campaign rally sa Pennsylvania.
Ini nga tukang ang nagapapag-on sa pagsaylo ni Musk sa right-wing politics kag hatagan si Trump sang high-profile backer sa iya handom nga magbalik sa White House sa Nov. 5 election.
Sang Lunes sang ginpili ni Trump si Ohio U.S. Senator J.D. Vance agud mangin iya vice presidential runningmate kasunod sang opisyal nga nominasyon sang Republican Party anay president agud liwat nga magpadalagan para sa White House.
